गुल्मी – पाल्पामा गुडिरहेको स्कार्पियो जीपमा एक्कासि ढुङ्गा खस्दा हुँदा घटनास्थलमै मृत्यु हुने ३ जनाको सनाखत भएको छ ।दुर्घटनामा परेर घटनास्थलमै मृत्यु हुनेमा रेसुङ्गा नगरपालिका वडा नंं ७ की ५० बर्षिया मनाकला चुदारा, जिल्ला प्रहरी कार्यालय गुल्मीमा कार्यरत तानसेन पाल्पाका प्रहरी सहायक हवलदार अन्दाजी बर्ष ३२ का यम बहादुर गोदार र पोखरा महानगरपालिका वडा नंं २५ का विनोद तिम्सीना रहेको जिल्ला प्रहरी कार्यालय पाल्पाका सूचना अधिकारी प्रहरी नायव उपरिक्षक विरेन्द्र थापाले जानकारी दिए।
बिहान गुल्मीको सदरमुकाम तम्घासबाट बुटवलको लागि छुटेको लु १ ज ४१ ०० नम्बरको स्कार्पियो पाल्पाको रिब्दिकोट गाउँपालिका २ जोर्तेमा गुडिरहेको सवारीमा ढुङ्गा खसेको थियो । घाइते ८ जनालाई मिसन अस्पताल र लुम्बिनी मेडिकल कलेज पाल्पामा उपचार भइरहेको छ ।
