५० भन्दा बढी युवाहरूलाई सहभागी गराएर उक्त बिषय सँगसँगै लागुऔषध नियन्त्रण, विद्युतीय अपराध र ट्राफिक नियम सम्बन्धी पनि सचेतना दिइएको थियो । गुल्मीका प्रमुख जिल्ला अधिकारी कृष्ण प्रसाद शर्मा, सहायक प्रमुख जिल्ला अधिकारी हरिप्रसाद गैरे, प्रहरी प्रमुख प्रहरी नायब उपरीक्षक राजन भुजेल, अनुसन्धान अधिकृत श्यामकुमार गाैतमसहितका सराेकारवाला, प्रहरी, कर्मचारी, पत्रकार र युवाहरूकाे उपस्थितिमा उक्त सचेतनामुलक कार्यक्रम सम्पन्न गरिएको थियो ।                                                                                                                    उक्त सचेतना कार्यक्रममा जिल्ला प्रहरी कार्यालय गुल्मीका प्रहरी निरीक्षक रामकुमार केसीले सचेतनाका बिषयमा प्रस्तुति प्रस्तुत गरेका थिए । प्रहरी निरिक्षक केसीले लागुऔषध नियन्त्रण, विद्युतीय अपराध र ट्राफिक नियम सम्बन्धी सचेतना प्रदान गरे । उनले घटना भएपछिका राहत र उद्वारका काम गर्नुको सट्टा घटना नै हुन नदिनु प्रहरीकाे सफलता हुने बताए ।